باخ گولوم گلدی بهار آشدی بولاغلار گؤزؤنؤ
یاریمین آنّاغی گؤزیاشلاری باغلار گؤزؤنؤ
قورخورام سنسیز ئولم آغلیاسان آرخامجا
آخی ئولسم مئلکیم کیم سیلر آغلار گؤزؤنؤ
***********************
اریدیب بوز کیمی اول گوهر بیر دانه منی
یاندیروب خرمن عشقی گتیریب جانه منی
ای طبیب داده یتیش بیر گولعزار خسته سی یم
قورخورام آتش عشقی ائده دیوانه منی
*********************
سنسیز ای گول نینیرم غملرده یانمیش جانی من
سن منی ترک ایلسون ترک ایلرم دونیانی من
عشق میدانیندا شمشیر جفا مشتا قیم
صدقیلن باشدان گچوب بوش قویمارام دونیانی من
دولوب ایستک شرابیدان داشان پیمانه دیر کونلوم
نه پیمانه،اگر درد اهلی سن میخانه دیر کونلوم
نه تأثیری منی دانّاخ داشینان ورسا غافیل لر
وفا شهرینده ئوزدن گتمین دیوانه دیر کونلوم
رحمه گلدون نه گؤزل منله مدارا ائله دون
نده قلبیمده کی بودرده مداوا ائله دون
قره گؤز اوسته قرا قاشلار ایتی خنجرتک
پیلدی باغریمی گؤز یاشیمی دریا ائله دون
بیر الا گؤزلو اوجا بویلی یارا،یاراولموشام
جان وئرروب ناز آلموشام رسوای بازار اولموشام
نیلوم آخر یوخدی بو جاندان صورا آیری واریم
بیربوجاندور،گون قاباقینده قالان قار اولموشام
زولفونله جمالونله سنین سرخوشوق هرآن
آی اؤزاو وفالیم منیم ای قلبیمه سولطان
ای شانلی گؤزل ایندی بو وادیده ظهور ائت
گؤستر اوزونو،نوریله دولسون بو بیابان
تورا بس منتظر ماندم،اوتاندی لحظه لر مندن
بدان من دوستت دارم،اینان بو یاشلی گؤزلردن
سفر از تو گذر از تو،فقط یول گؤزلمک مندن
فقط بایک نگاه تواوچاردی غصه لرمندن
گونده منه باش ووران ایندی منه داش وورور
ایندی منه داش ووران ئوزگه لره باش وورور
ئوزگه اگر داش وورا دردینه دوزمک اولار
باخ بورا سؤز بوردادی داشلاری یولداش وورور
بی وفا جانان یولوندا جان گویان دیوانه دور
شاهیدیم بو مطلبه شمعه یانان پروانه دور
شمع یولوندا یانماغا پروانه ایلر ایفتیخار
شمع دی یر بیچاره پروانه عجب دیوانه دور
