سوئیله ای گول، هانسی باغین، سن گولِ رعناسی‌سان؟
هانسی گلزارِ بهشتین، سروی سن، طوُباسی‌سان؟
آچما زولفون عطریله بیهوش ائدرسن عالمی
چونکی سن دشتِ خطانین، عنبرِ ساراسی‌سان
نازنین جانان گؤزه‌للر، قارشی دُورماز روُیینه
جمله سیندن سن گؤزه‌ل‌سن، هامی‌نین اعلاسی‌سان
باغبانین کیملر اولموش؟ گؤزلرین حئیرانی‌یام
سن مگر گلزارِ حُسنون نرگس شهلاسی‌سان؟
گؤرمه‌یینجه گول اوزون، جسمیمده قالماز طاقتیم
روحی‌سان گویا، بو مسکین عاشیقین، اعضاسی‌سان
من کیمی مینلرجه مجنولار، اسیروندیر سنین
سؤیله یاریم، دوغرو سؤیله، سن کیمین لیلاسی‌سان
اینجیمه‌ز، «واحد»، او گول آه و فغانیندان سنین
سن گؤزه‌للر باغی‌نین بیر بولبولِ شیداسی‌سان
نظرات شما عزیزان:
:: موضوعات مرتبط:
واحد،
،
:: برچسب‌ها:
رعناسی‌سان؟(علی آقاواحد),
<-PollName->
خبرنامه وب سایت:
آمار
وب سایت: