سنی ترک ائمه رم گؤرسم ده چوخ جور و جفا سندن             نجه ال چکسین آیا درد عشقه مبتلا سندن

مریض عشق ایچیین کویوندان اوزگه بیر مکان اولما        یانان کؤنلوم تاپار هم درد سندن هم دوا سندن

گنه غوغا سالیبدیر کفر زولفون جمع عشاقه                 آتیبلار دین و ایمانی ائدیبلر اقتدا سندن

آلیشدیم شمع تک یاندیم غمینده بیقرار اولدوم                          قراریم گئتدی الدن سیرریم برملا سندن

کؤنول وئردیم او شهدا گؤزلره آیا خطا ائتدیم                         نه جورموم وار گورهم هر لحظه ای ظالم خطا مندن

بلایه سالمادین العیشق تک مجنون و فرهادی                         تجلی ائیله دیکجه اوز وئریب یوزمین بلا سندن

حدیث عشق شیرینی نه بیلسین هر یتن حامد                          بو شیرین بحثی یا فر هاددن سورسور نلا یا سندن

دنیایه مین گؤزل گله جانانه بنزه مز             مین گول آچا اونو گل خندانه بنزه مز    

  چون نازنین صنملره خلقت صفا و ئریب              هیچ شاهکاری یوسف کنعانه بنزه مز

یاقوب لبلرین کیمی گوهر گؤرونمییپ               مین کان لعل او لعل بد خشانه بنزه مز 

غوغا سالیبدیر عالمه مخمور گؤزلرین                  هیچ فتنه گر او فتنه فتانه بنزه مز     

واعظ کی بؤیله قامت طوبانی وصف ائدیر         من سئودیییم او سرو خرامانه بنزه مز   

بولبول دوشوبدو گولدن اوتورخار آیاغینا                 هر شمع یانسا شمع شبستانه بنزهمز

واحد غزلده پیر طریقت دی حامدا                 حامد گلیپ او پیر سخندانه بنزه مز

هر زامانکی باخیرام باشینا قار وار گورورم

اوغول اولموش آتا تک گوزلرین آغلار گورورم

هر طرفدن چکیلیب سینه وه داغلار گورورم

آی آلان اوستونو غم چیسگینی، هر یانی دومان

آی یاغان باشینا غملر اودو، یاسلی ساوالان

گورموشوک یازدا کوچک لرده چیچکلر آچیلار

هر طرفدن چیمنین سینه سینه گول ساچیلار

ماهنی لار قوشماغا باشلار یئنه ده قوشماچیلار

یاز گلیب گئتدی یئنه گولمه دین اوچ آیدا بیر آن

آی یاغان باشینا غملر اودو، یاسلی ساوالان

قرنیلر گئچدی سنین گولمه دی بیر لحظه اوزون

قانلی یاش توکدو سارالمیش اوزونه یاشلی گوزون

غصه دن دوندو قارانلیق گئجه اولدو گونوزون

نه سوران حالینی اولدی نه وئرن جیسمیوه جان

آی یاغان باشینا غملر اودو، یاسلی ساوالان

آند وئررم سنی او قانه بلنمیش داشووا

گئجه گوندوز او گوزوندن توکولن قان باشووا

اورگین دردینی بیلدیر او "سهند" قارداشووا

سنی وارلیق سنی تانری سنی بو آه و فغان

آی یاغان باشینا غملر اودو، یاسلی ساوالان

سالارام یادیما بیر لحظه او گئچمیش لریوی

توکولن سنگ جفائیله او دور دیشلریوی

ایزلرم بیر بیر او حئیرت یارادان ایشلریوی

هامی دان من سنین احوالینا آرتیق نیگران

آی یاغان باشینا غملر اودو، یاسلی ساوالان

ساکیت اول، آغلاما قوی بیرجه چکیلسین بو دومان

گون چیخیب ظولمنی بیر یوللوقا قووسون بورادان

"نبی" گلسین، بو آت اولسون یئنه داغلار آتیلان

"هجر"ین بلکه یغیلسین گوزو یولدان، آناجان

آی یاغان باشینا غملر اودو، یاسلی ساوالان

سوندوره بیلمه دی گوز یاشین اورکدن اودووی

چاغیریم قوی کومک ائتسین سنه اوز اولادیوی

افتخاریله بوگون ذیکر ائدرم پاک آدیوی

مرد اوغوللار بئجریب خلقه وئرن شوهرت و شان

آی یاغان باشینا غملر اودو، یاسلی ساوالان

"بابکین" گئتدی سه بوش قالمادی آمما قوجاغین

دولودور مین ائله اوغلانلاریلا هر بوجاغین

نه قدر یئل اسه طوفان قوپا سونمز اوجاقین

ای بلالر سپری، خالقا یامان گونده آمان

آی یاغان باشینا غملر اودو، یاسلی ساوالان

چنلی بئلده "ده لی لر" قوی یئنه قورسون بوساطی

قوچ کوراغلو یئنه جولانه گتیرسین قیر آتی

هئچ زامان اصلین ایتیرمز او کی دوزگوندی ذاتی

آند اولا آدیوا، آی گوزلری آغلار، یاشی قان

آی یاغان باشینا غملر اودو، یاسلی ساوالان

سن دویوشلرده بیر آسلان کیمی دوردون ایاغا

اوخ آتیلدیقجا بیزه سینه نی وئردین قاباغا

غم یئمکدن داها جانیم یئتیشیب دیر دوداغا

نه یامان گونلره گور قالدی بو احساسلی بالان

آی یاغان باشینا غملر اودو، یاسلی ساوالان

بابالاردان بیزه قالمیش بو مثل هاممی بیلر

سو٬ گلن آرخا دئیبلر یئنه بیر گون سو گلر

فلکین داش اورگین آه اوخو آخیردا دَئلر

"بارز" اوغلوندا یئتر سئودیگی یاره او زامان

آی یاغان باشینا غملر اودو، یاسلی ساوالان

زهر   ایچسم  اگر ساقی ! الوندن     منه   بالدئر

دولدور    قدحی     بادۀ      گلگونیله     دولدئر

تؤک   جام   مئیوندن   منی  مست  ائیله  سراپا

بو  شرب  شرابون   دئیه سن    دردی   آزالدئر

آخر گئجه میز دیر، بو گئجه  بیتمَه یَه ای  کاش!

گون چئخمایا ، صوبح اولمویا ، به به ! بو نه حالدئر

دور  عاشیق!   اوتورما  اوخو   بو  بزمی  آلئشدئر

آل  سازووی   چال  دردیمی  آل ، کی  چالاچالدئر

یونس !  یئمه  غم  سن   بو گئجه  اویما  اویاق قال

قویما   یوخو  آلسئن   گؤزونو   وقت   وصالدئر

یوسف گله جک بیرده بو کنعانه تلسمهعالم دونه جک جنت و رضوانه تلسمهسیخما اوره گون ای دل غمدیده که اللهسامان ورجک بی سر و سامانه تلسمهبی جا یره چرپینما و سرگشته دولانمارونق ورجک حال پریشانه تلسمهعمرون که وفا قلسا اگر فصل بهارهگل چتری تو تان باشه گلستانه تلسمهدوران جهان اولماساگر وفق مرادونغم غصه یتوب چرخش دورانه تلسمهمین نقشه قالوب پرده دنیاده ازلدنواقف دگورسن پرده پیمانه تلسمهکشتی سورنون نوح نبی دور نه هراسونگدتمک دن اتور ساحل عمانه تلسمهایدل توتا گر سیل فنا ملک جهانیهم سیله تحمل اله طوفانه تلسمهیولار که اوزاق الموش و هر چند خطرلییوخدور اویولی یتمیه پایانه تلسمهاحوال پریشانه خدا جور رقیبهواقف دی ازلدن ، دل دیوانه تلسمهبلبل که تابون یوخدی بو هجران و فراقهحسرت ده قالوب موسم بوستانه تلسمهای طالب کعبه که یاترسان تیکان اوستهبیرگون یته سن کعبه جانانه تلسمهحافظ نه قدر هرگجه قرآن اوخویرسانجنت دی یرون آند اولاترانه تلسمهمین خار مغیلان توتا هرلحظه ایاقونروحون گوزی گر گلسده افغانه تلسمه

گنجه گورددم اوره گیم دلبرده یار ایلدلرآتش غصه دن عالمده کنار ایلدلرهاتف غیب یتیرموش من ایچون شربت وصلشامل مرحمت لطف نگار ایلدلرقاصد حقّ یتیرجک من ایچون مژده وصلدولت صبریم آلوب عشقه دچار ایلدلرنه مبارک سحرایمیش بو قرانلوخ گئجه دهگوزیاشیم صبحه کیمی ابر بهار ایلدارعرش اعلادن اِنوب کل ملاک بوگئجهلیله القدره گوره ترک دیار ایلدلرشربت وصل وروب پرتو لطف ازلیبوگوزل شربتیلن دفع خمار ایلدیلوطالع بختیم آچوب صبح سعادت قاپیسینمستحقیدیم ازل عاشق زار ایلدلرباش ایاق گوز ددیگون لایق جانان که دگورگوهر جان گوتوروب یاره نثار ایلدلرآت باشونان گوزلیم نخوت شدادی یرهقصر شدادی یخوب سنگ مزار ایلدلرآینان اولدوز آلوب پرتو رخسار بهشتبوقرانلوخ گنجه ده سیر مدار ایلدلرکل عالمدی بیلن " طیبی " استاد غزلاودی گورکملی سوزون خلقه شعار ایلدلر

ای ستمگر منی رسوای جهان ائیله میسن

گوزومون یاشینی چون دجله روان ائیله میسن

همنشین ائیله میسن دشمنی ای مایه ی ناز

رشگدن جانیم آلیب، باغریمی قان ائیله میسن

گون کیمی عارضووه زلف چلیپانی سالیب

گونی گور ابر سیه آلتدا نهان ائیله میسن

نازیله، عشوه ایله، سیر ائله ییب گلزاری

گوستریب معجزه سن سرو روان ائیله میسن

بیر جانیم وارایدی ای شوخ کی آلدین او زمان

اوزگه جان داهی بو بی کسده گمان ائیله میسن

قاشلارون تیغ ستم آلمیش اله، کیرپیگون اوخ

اولدوروبسن منی ناحق یئره قان ائیله میسن

نه اوچون ای شوخ نقابین گوتوروبسن اوزدن

روی خورشید وشی خلقه عیان ائیله میسن

آلمیسان عقلیمی سردن منیم ای آفت جان

قددیمی محنت هجرونده کمان ائیله میسن

هوس وصلویله ای مه من «حیران» ی

باشی یئرده، گوزی یولدا نگران ائیله میسن

بویون سرو سهی زولفون معنبر

جمالین یوسف کنعانه بنزر

قاشین عاشیق لرین قصدینه گویا

خم اولموش تیغ سر افشانه بنزر

آچاندا گوزلرین آلیر بو جانی

یاتاندا فتنه دورانه بنزر

باخاندا نازیله تیر نگاهین

کونولده خنجر برانه بنزر

دیلون بولبول ساچین سونبول اوزون گول

کج اولموش کیپریگین پیکانه بنزر

مه رخسارین ای حور بهشتی

گولستاندا گل خندانه بنزر

ویریب باد صبا زولفون داغیتمیش

گول اوزده دسته ریحانه بنزر

لب لعل شفا بخشین عزیزیم

بعینه چشمه حیوانه بنزر

خالین هندو صفت کونج لبینده

اوتورموش تخت آرا سولطانه بنزر

سنین کوینده عاشیقلر فغانی

چمنده بولبول خوش خوانه بنزر

گوزوم یاشی فراقوندن اوزومه

سراسر لولوء غلطانه بنزر

اگر چه عاشیقین چوخدور ولیکن

اینانما هئچ بیری حیرانه بنزر

یخلوب عباسیم نهر فرات اوسته

بلیم سیندی زینب علمدار ئولدی

بویانوبدور قانه وفالی سرداریم

لوای قرآنه وفادار ئولدی

ئوزون آگه‌ایله حیالی قیزلاری

دینن دگدی پیکان سو مشگین دلدی

سیزه خاطر گچدی ایکی قول بیر گوزدن

منی قویدی یالقوز فلک دینجلدی

عَلَمین آغوشه آلوب گوردوم آغلور

ئوپور الله و اکبرین نقشیندن

دوداقیندان ئوپدوم دوداقینون عطری

بهشتین عطریلن برابر گلدی

دیدوم آیا قارداش گیدورسن اخیامه

دیدی سن گیت قارداش رقیون آغلار

دیدیم اوندا گیتسم سنی تنها قویسام

چیخاندا جان لبدن گوزدن کیم باغلار

باشیم اوستن بیر سس دیدی سن گیت اوغلوم

گوزین زهرا باغلار عزاسین ساخلار

یری وار بو غمدن سودان چیخسا ناله

کول اولسا پروانه سو اولسا داغلار

دیون اصغر یاتسون یاتوب پرچم‌داریم

یارالی  اعضاسی قالوب صحراده

عطشیندن یانسا دوداقلارین اَمسین

دیوللر دشمن‌لر سو یوخ دریاده

سوسوز ئولسه اوغلوم اگرچه نیسگیلدی

منه باش اگمکدن ولی آساندی

سویا خاطر هرگز علینون اولادی

ویر جان یالوارماز دنی صیاده

سینه سی اوستونده نیستان وار گویا

یارالی اعضاسی تماماً اوخدی

ولی اوخلاردان چوخ کنارینده زینب

ندور علت بیلمم آغیر داش چوخدی

توخانوبدور داشلار سینوبدی آئینم

یانور غمدن سینم آخور گوز یاشیم

اوجا بوی قارداشیم ئولوبدی اللرده

یاتوبدی چوللرده قراریم یوخدی

کسولوبدور چاره‌م ئولوبدی قارداشیم

کمکسیز بیر شاهیم امیدیم ای وای

یاخامی اللرده قویان عباسیم وای

شرفلی سردار رشیدیم ای وای

توخانوب بیر پیکان هوروبدی گوز یاشین

گلن گورمور کیمدی قالوب آواره

دیزیم اوسته باشین آلوب توکدوم گوز یاش

دیم لای لای قارداش شهیدیم ای وای