باخ گولوم گلدی بهار آشدی بولاغلار گؤزؤنؤ

یاریمین آنّاغی گؤزیاشلاری باغلار گؤزؤنؤ

قورخورام سنسیز ئولم آغلیاسان آرخامجا

آخی ئولسم مئلکیم کیم سیلر آغلار گؤزؤنؤ

***********************

اریدیب بوز کیمی اول گوهر بیر دانه منی

یاندیروب خرمن عشقی گتیریب جانه منی

ای طبیب داده یتیش بیر گولعزار خسته سی یم

قورخورام آتش عشقی ائده دیوانه منی

*********************

سنسیز ای گول نینیرم غملرده یانمیش جانی من

سن منی ترک ایلسون ترک ایلرم دونیانی من

عشق میدانیندا شمشیر جفا مشتا قیم

دولوب ایستک شرابیدان داشان پیمانه دیر کونلوم

نه پیمانه،اگر درد اهلی سن میخانه دیر کونلوم

نه تأثیری منی دانّاخ داشینان ورسا غافیل لر

رحمه گلدون نه گؤزل منله مدارا ائله دون

نده قلبیمده کی بودرده مداوا ائله دون

قره گؤز اوسته قرا قاشلار ایتی خنجرتک

بیر الا گؤزلو اوجا بویلی یارا،یاراولموشام

جان وئرروب ناز آلموشام رسوای بازار اولموشام

نیلوم آخر یوخدی بو جاندان صورا آیری واریم

زولفونله جمالونله سنین سرخوشوق هرآن

آی اؤزاو وفالیم منیم ای قلبیمه سولطان

ای شانلی گؤزل ایندی بو وادیده ظهور ائت

تورا بس منتظر ماندم،اوتاندی لحظه لر مندن

بدان من دوستت دارم،اینان بو یاشلی گؤزلردن

سفر از تو گذر از تو،فقط یول گؤزلمک مندن

گونده منه باش ووران ایندی منه داش وورور

ایندی منه داش ووران ئوزگه لره باش وورور

ئوزگه اگر داش وورا دردینه دوزمک اولار

بی وفا جانان یولوندا جان گویان دیوانه دور

شاهیدیم بو مطلبه شمعه یانان پروانه دور

شمع یولوندا یانماغا پروانه ایلر ایفتیخار

 

:: موضوعات مرتبط: سایراشعار، ،
:: برچسب‌ها: sms ترکی, شعرترکی,

کؤنلوم گدیر الیمدن اؤلسون قسم خدانی
صبرائت کی گیزلی سیرلرقالمیاجاخ نهانی

باتمئش لئهه گئمبميز،شرطه یئلي تئز اؤل دور
شايدمیسر اولسؤن گؤرمک اول آشینانی

بیرواقت غنیمت اؤلسا، یاخجئلئق ایله دوستا
اویما بو روزگاره، درک ایله سن زمانی

سن سن سخاوت اهلی همده سلامت اهلی
شاد ائت تاصادديقيله درویش بینوانی

یولداشلارا مروت، دؤشمنینن چئچینمئه
تفسیر ائدر بوسؤلر آسایش جهانی

هرواقت یاشاییشوندا، عیشیله سرخوشوندا
بؤقیمتی اؤلان سؤز قارون ائدر گیدانی

سؤگی یولوندا هئچ واقت، ئؤزباشيوادولانما
غیرت ئوديلا ديلبر، موم ائلير قاياني

اسكندرآیناسی، باخ چون كي جام میدور
اؤندا اولارکی گؤرمک،بوملک کبریانی

ایشمیرکی ئوزباشینا، هئچ واقت می بؤحافظ
بؤناگؤرا سن ای شیخ،معذور قئل ریضانی

:: موضوعات مرتبط: سایراشعار، ،
:: برچسب‌ها: شعرترکی, ترجمه ترکی شعر حافظ, شعر حافظ, شعر, ترجمه,

سنی ترک ائمه رم گؤرسم ده چوخ جور و جفا سندن             نجه ال چکسین آیا درد عشقه مبتلا سندن

مریض عشق ایچیین کویوندان اوزگه بیر مکان اولما        یانان کؤنلوم تاپار هم درد سندن هم دوا سندن

گنه غوغا سالیبدیر کفر زولفون جمع عشاقه                 آتیبلار دین و ایمانی ائدیبلر اقتدا سندن

آلیشدیم شمع تک یاندیم غمینده بیقرار اولدوم                          قراریم گئتدی الدن سیرریم برملا سندن

کؤنول وئردیم او شهدا گؤزلره آیا خطا ائتدیم                         نه جورموم وار گورهم هر لحظه ای ظالم خطا مندن

بلایه سالمادین العیشق تک مجنون و فرهادی                         تجلی ائیله دیکجه اوز وئریب یوزمین بلا سندن

حدیث عشق شیرینی نه بیلسین هر یتن حامد                          بو شیرین بحثی یا فر هاددن سورسور نلا یا سندن

:: موضوعات مرتبط: سایراشعار، ،
:: برچسب‌ها: سندن-حامدماکویی,

دنیایه مین گؤزل گله جانانه بنزه مز             مین گول آچا اونو گل خندانه بنزه مز    

  چون نازنین صنملره خلقت صفا و ئریب              هیچ شاهکاری یوسف کنعانه بنزه مز

یاقوب لبلرین کیمی گوهر گؤرونمییپ               مین کان لعل او لعل بد خشانه بنزه مز 

غوغا سالیبدیر عالمه مخمور گؤزلرین                  هیچ فتنه گر او فتنه فتانه بنزه مز     

واعظ کی بؤیله قامت طوبانی وصف ائدیر         من سئودیییم او سرو خرامانه بنزه مز   

بولبول دوشوبدو گولدن اوتورخار آیاغینا                 هر شمع یانسا شمع شبستانه بنزهمز

واحد غزلده پیر طریقت دی حامدا                 حامد گلیپ او پیر سخندانه بنزه مز

   

:: موضوعات مرتبط: سایراشعار، ،
:: برچسب‌ها: بنزه مز-حامدماکویی,

هر زامانکی باخیرام باشینا قار وار گورورم

اوغول اولموش آتا تک گوزلرین آغلار گورورم

هر طرفدن چکیلیب سینه وه داغلار گورورم

آی آلان اوستونو غم چیسگینی، هر یانی دومان

آی یاغان باشینا غملر اودو، یاسلی ساوالان

گورموشوک یازدا کوچک لرده چیچکلر آچیلار

هر طرفدن چیمنین سینه سینه گول ساچیلار

ماهنی لار قوشماغا باشلار یئنه ده قوشماچیلار

یاز گلیب گئتدی یئنه گولمه دین اوچ آیدا بیر آن

آی یاغان باشینا غملر اودو، یاسلی ساوالان

قرنیلر گئچدی سنین گولمه دی بیر لحظه اوزون

قانلی یاش توکدو سارالمیش اوزونه یاشلی گوزون

غصه دن دوندو قارانلیق گئجه اولدو گونوزون

نه سوران حالینی اولدی نه وئرن جیسمیوه جان

آی یاغان باشینا غملر اودو، یاسلی ساوالان

آند وئررم سنی او قانه بلنمیش داشووا

گئجه گوندوز او گوزوندن توکولن قان باشووا

اورگین دردینی بیلدیر او "سهند" قارداشووا

سنی وارلیق سنی تانری سنی بو آه و فغان

آی یاغان باشینا غملر اودو، یاسلی ساوالان

سالارام یادیما بیر لحظه او گئچمیش لریوی

توکولن سنگ جفائیله او دور دیشلریوی

ایزلرم بیر بیر او حئیرت یارادان ایشلریوی

هامی دان من سنین احوالینا آرتیق نیگران

آی یاغان باشینا غملر اودو، یاسلی ساوالان

ساکیت اول، آغلاما قوی بیرجه چکیلسین بو دومان

گون چیخیب ظولمنی بیر یوللوقا قووسون بورادان

"نبی" گلسین، بو آت اولسون یئنه داغلار آتیلان

"هجر"ین بلکه یغیلسین گوزو یولدان، آناجان

آی یاغان باشینا غملر اودو، یاسلی ساوالان

سوندوره بیلمه دی گوز یاشین اورکدن اودووی

چاغیریم قوی کومک ائتسین سنه اوز اولادیوی

افتخاریله بوگون ذیکر ائدرم پاک آدیوی

مرد اوغوللار بئجریب خلقه وئرن شوهرت و شان

آی یاغان باشینا غملر اودو، یاسلی ساوالان

"بابکین" گئتدی سه بوش قالمادی آمما قوجاغین

دولودور مین ائله اوغلانلاریلا هر بوجاغین

نه قدر یئل اسه طوفان قوپا سونمز اوجاقین

ای بلالر سپری، خالقا یامان گونده آمان

آی یاغان باشینا غملر اودو، یاسلی ساوالان

چنلی بئلده "ده لی لر" قوی یئنه قورسون بوساطی

قوچ کوراغلو یئنه جولانه گتیرسین قیر آتی

هئچ زامان اصلین ایتیرمز او کی دوزگوندی ذاتی

آند اولا آدیوا، آی گوزلری آغلار، یاشی قان

آی یاغان باشینا غملر اودو، یاسلی ساوالان

سن دویوشلرده بیر آسلان کیمی دوردون ایاغا

اوخ آتیلدیقجا بیزه سینه نی وئردین قاباغا

غم یئمکدن داها جانیم یئتیشیب دیر دوداغا

نه یامان گونلره گور قالدی بو احساسلی بالان

آی یاغان باشینا غملر اودو، یاسلی ساوالان

بابالاردان بیزه قالمیش بو مثل هاممی بیلر

سو٬ گلن آرخا دئیبلر یئنه بیر گون سو گلر

فلکین داش اورگین آه اوخو آخیردا دَئلر

"بارز" اوغلوندا یئتر سئودیگی یاره او زامان

آی یاغان باشینا غملر اودو، یاسلی ساوالان

:: موضوعات مرتبط: سایراشعار، ،
:: برچسب‌ها: یاسلی ساوالان-بارز,

زهر   ایچسم  اگر ساقی ! الوندن     منه   بالدئر

دولدور    قدحی     بادۀ      گلگونیله     دولدئر

 

تؤک   جام   مئیوندن   منی  مست  ائیله  سراپا

بو  شرب  شرابون   دئیه سن    دردی   آزالدئر

 

آخر گئجه میز دیر، بو گئجه  بیتمَه یَه ای  کاش!

گون چئخمایا ، صوبح اولمویا ، به به ! بو نه حالدئر

 

دور  عاشیق!   اوتورما  اوخو   بو  بزمی  آلئشدئر

آل  سازووی   چال  دردیمی  آل ، کی  چالاچالدئر

 

یونس !  یئمه  غم  سن   بو گئجه  اویما  اویاق قال

قویما   یوخو  آلسئن   گؤزونو   وقت   وصالدئر

:: موضوعات مرتبط: سایراشعار، ،
:: برچسب‌ها: وصال وقتی-یونس کریمی,

:: موضوعات مرتبط: سایراشعار، ،
:: برچسب‌ها: ترجمه شعرحافظ-محمدنقی ناصرالفقرا، مشهور به آذر پویا,

:: موضوعات مرتبط: سایراشعار، ،
:: برچسب‌ها: ترجمه شعر حافظ-اکبر مدرس اول متخلص به شیوا,

یخلوب عباسیم نهر فرات اوسته

 

بلیم سیندی زینب علمدار ئولدی

بویانوبدور قانه وفالی سرداریم

لوای قرآنه وفادار ئولدی

       

ئوزون آگه‌ایله حیالی قیزلاری

دینن دگدی پیکان سو مشگین دلدی

سیزه خاطر گچدی ایکی قول بیر گوزدن

منی قویدی یالقوز فلک دینجلدی

عَلَمین آغوشه آلوب گوردوم آغلور

ئوپور الله و اکبرین نقشیندن

دوداقیندان ئوپدوم دوداقینون عطری

بهشتین عطریلن برابر گلدی

دیدوم آیا قارداش گیدورسن اخیامه

دیدی سن گیت قارداش رقیون آغلار

دیدیم اوندا گیتسم سنی تنها قویسام

چیخاندا جان لبدن گوزدن کیم باغلار

باشیم اوستن بیر سس دیدی سن گیت اوغلوم

گوزین زهرا باغلار عزاسین ساخلار

یری وار بو غمدن سودان چیخسا ناله

کول اولسا پروانه سو اولسا داغلار

      

دیون اصغر یاتسون یاتوب پرچم‌داریم

یارالی  اعضاسی قالوب صحراده

عطشیندن یانسا دوداقلارین اَمسین

دیوللر دشمن‌لر سو یوخ دریاده

سوسوز ئولسه اوغلوم اگرچه نیسگیلدی

منه باش اگمکدن ولی آساندی

سویا خاطر هرگز علینون اولادی

ویر جان یالوارماز دنی صیاده

سینه سی اوستونده نیستان وار گویا

یارالی اعضاسی تماماً اوخدی

ولی اوخلاردان چوخ کنارینده زینب

ندور علت بیلمم آغیر داش چوخدی

توخانوبدور داشلار سینوبدی آئینم

یانور غمدن سینم آخور گوز یاشیم

اوجا بوی قارداشیم ئولوبدی اللرده

یاتوبدی چوللرده قراریم یوخدی

      

کسولوبدور چاره‌م ئولوبدی قارداشیم

کمکسیز بیر شاهیم امیدیم ای وای

یاخامی اللرده قویان عباسیم وای

شرفلی سردار رشیدیم ای وای

توخانوب بیر پیکان هوروبدی گوز یاشین

گلن گورمور کیمدی قالوب آواره

دیزیم اوسته باشین آلوب توکدوم گوز یاش

دیم لای لای قارداش شهیدیم ای وای

:: موضوعات مرتبط: سایراشعار، ،
:: برچسب‌ها: یخولوب عباسیم-غفاری اردبیلی,

:: موضوعات مرتبط: سایراشعار، ،
:: برچسب‌ها: سن سیز-شعرترکی,

مــاه است نمی دانم، خــورشیــد رخــت یا نه                              

                               بــو آیــریلیق اودونـــا، نئجـــه جییـــه ­ریم یـانه؟

مــردم ز فـــراق تــو ، مـــردم کــه همــه داننــد                              

                               عشق اودو نهان اولماز، یـانار دوشه­ جک جانه

ســودای رخ لیـلی ، شـد حــاصل مــا خیـلـی                              

                               مجنــون کیمی واویلا، اولـــدوم گـئنــه دیــوانه

صــد تیـــر زنــد بــر دل ، آن تــرک کمــان ابــرو                              

                               فتنــه ­لی آلا گــؤزلــر، چــون اویخــودان اویــانه

ای شاه شجاع الدین، شمس الحق تبریزی!                              

                               رحمتــدن اگــر نـــولا ، بیـــر قطــره بیــزه دامه

 

:: موضوعات مرتبط: سایراشعار، ،
:: برچسب‌ها: آیریلیق اؤدی(حکیم مولوی),

مئی‌یه باتمیش دوداغین گور نه گئتیردی باشیما

هوشومو باشدان آلیب سونرا گوونمه هوشوما

ائله سنسیزله‌میشم نانه‌یه بنزر اوره‌یم

گل تَلَس، گل عزیزیم، بیر باشا گیر آغوشوما

اؤز الینله بو جواهیر ائوینی باغلامیسان

باری اینصاف ائله سن گل بو لبی خاموشوما

قارا زولفون یوخودا سؤیله‌ییر افسانه منه

او دؤنوب صوبحه جن هم صوحبتیمه سیر داشیما

منم اول قومری کی صائیب او یاشیل سرو آغاجی

یارپاغیندان عبا تیکمیش کی گلیر چوخ خوشوما

شاعر: صائب تبریزی

:: موضوعات مرتبط: سایراشعار، ،
:: برچسب‌ها: مئی‌یه باتمیش دوداغین(صائب تبریزی),

بیر اوغرو گلیب هر نه دئسن وار اونا قابی

 

حیرت‌ده قویوب هم منی هم شیخ ایله شابی

بال گورسه دویونجاق اونو بارماقلایاجاق‌دیر

بارداقه توکوب ایچمه‌لی‌دیر گورسه دوشابی

چوخ‌دان چوخا آزدان آزا قانع‌دی ایشینده

مشکل وئره الده‌ن بئله بیر کار ثوابی

انصاف‌لی دی خوف و خطری هاممیا بیر دیر

بیر نمره آلار مدرسه‌ده مهر و عتابی

بو اوغرو نه تاجردی نه قاضی نه وزیر دیر

آج قالماقین اوستن‌دی ایاب ایله ذهابی

ایش‌سیزدی ولی اهل و عیالین دیشی واردی

دیش‌لیک دیله‌یه‌ن اولادینا یوخدو جوابی

بو اوغرو اوزونده‌ن آجا حاشا تله قورسون

توخ اوغرویا همیانی‌ده وار بند و طنابی

بیر اوغرودا وار ظاهری خوش رتبه‌سی والا

دنیا منیم اولسون‌دی اونون جمله عذابی

چیرکین لیگی‌نین اورتوب اوزون جامه‌ی الوان

بیر قورخولو موجود ایدی رد اولسا نقابی

یای گلسه گوزه‌ل یایلاقی ساحل قیراغین‌دا

قیش اولسا بوران اینجیده بیلمز او جنابی

گوندوز نازینا مشتری‌دی میز ریاست

سون‌سوز گئجه‌لرده پر قو اوسته‌دی خوابی

قوللوق‌چو سونون دائم ایپک دستمال الینده

ماستون‌چو سونون شیش ده مهیادی کبابی

نیسگیل کوکونو قازمادا مانقال ماشا حاضر

گر نشئه‌نی تخت ائیله‌مه‌سه باده‌ی نابی

دولت حقوقون دا او داوام یوخ اوده بیلسین

بئش گون بو گئنیش لیک‌ده حساب ایله کتابی

ناچار سالیب دیر اله بیر حکم بو اوغرو

قادر دی اگر بیر گئجه‌ده چاپسا سرابی

چون قافیه حکم ایله سراب‌دان آد آپاردیم

حتماً قلمین شاکی‌یه کافی‌دی جوابی

مین‌سه دالووا بیزله‌یه‌جک مقصده چاتسین

مین‌سون دالینا چاپمالی‌دی خوش‌دو رکابی

مسجدده تمرد ائله‌مز اهل نمازه

میخانه‌ده ضایع ائله‌مز دور شرابی

هر کس دئیه بیلمز قاشون اوستون‌ده گوزون وار

الا او کی اوندان قازانیب رنگ و لعابی

بو اوغرویا کیم اوغرو دئسه باشی خطرده

او اوغرو همان اوغرو فلانی‌دی شهرده

بیر شهرده کی اوغروسونون یوخدو چیخاری

اول شهرده اولدوز سایاراق گوزله‌مه یاری

گئج گلمه سینه اینجیمه تئز گلسه یقین بیل

ائل‌لر آرا حیثیت‌ووی قونشون آپاری

باخ اوغرویا عبرت ائله؛ خالقین شهرین‌ده

اوچ مین دونه میلیارد تومن چکدی یوخاری

نه دوشدو خاما بئل بوخونو قددی بوکولدو

نه ذره‌جه ائل‌لر آرا اسکیل‌دی وقاری

یخچالی قویوب چیگن‌اینه امما بیزیم اوغرو

هم دورگونو یئل‌لندی همی قیردی داماری

اونلار بئجره‌ن اوغرو تورونتوی‌دا توی ائتدی

بیزلر بئجره‌ن اوغرو گئدیب گزدی نیاری

دریا پولا یئر وئردی او اوغرو بالا کیف‌ده

امما بونون اون مین تومن این دوتمادی گاری

او کندی چاپان چاغ‌دا گئدیب کاتدانی گوردو

بو بیر کئچی کتده‌ن گوتوروب اولدو فراری

او ال‌ده چراغ ایسته دیگین سئچدی آپاردی

بو بیر دریز اوتدان اوتوری یاخدی فناری

او خلقی سویوب بای بای ایلان چیخدی وطن‌ده‌ن

بو قارنی‌نین اوستونده گئدیر دوستاغا ساری

اوخشاتدی اونون قیش گئجه‌سین یازه اوغورلوق

بو اوغرویا بیر آن دا خزان ائتدی بهاری

گئت اوغرودا اولسون ائله‌بیر اوغرو اول ائل‌لر

قربان ائده‌لر هیکل اینه دار و نداری

بیر اوغرونو مامورایله گوردوم کوچه میزده

قولباق بیر الینده او بیری ال‌ده بخاری

زاغ زاغ بدنی تیتره‌مه‌ده شاخدا اونون‌ده

آرنین‌دا خجالت تری اوزده‌ن یئره جاری

سوردوم نه خطا چرتیب الینده‌ن بو اسیرین

آیدین منه ذکر ائیله سنی حضرت باری

تیکدی ائله گوز هیکلیمه باش‌دان ایاقه

بیر اووچو دو ات داش ائله‌یر سان کی شکاری

چیمخیردی تبخترله منه: کور کی دگیل سن!

آیا بو بخاری‌ده‌ن آغیر مدرک کاری

گوردوم نه بخاری کی تداعی ائدیر آنجاق

تهران‌دا قجر عصری نی مسکوودا تزاری

گوزلرده‌ن ایراق چون کی چیخیب آشغال ایچین‌ده‌ن

پارتداق پامادورلان بزه‌نیب جسم نزاری

ماموره دئدیم کور دگیل‌ام وئرسن اجازه

ثابت ائده بیل له‌م کی اوتوزدون بو قماری

گر اوغرو دوتورسان بو یازیق دوغرو دی سن‌ده‌ن

اینجیتمه داریخدیرما بو زاری سنی تاری

گر حکم وارون آج دوتاسان وقتی یوباتما

دوستاق‌دا آپار میل ائله‌یه بلکه ناهاری

احسن بئله ماموره کی بوشان‌لی شهرده

هوش باشدا جیمیز بانددان آرتیق‌دی عیاری

بیرده یئری اولسا او عزیز قاضی‌یه عرض ائت

دورونده کی توخ اوغرولارین یوخدو شماری

مال میدانی‌نین اوغروسونا بیر کئچی بسدیر

لعنت لیگ ائده حشره کیمین ایل و تباری

گئت قصرلرین ایچره گزیش اوغرونو بلکه

منصور کیمین شوط ائده‌سن چوبه‌ی داری

یوخ سهو ائله‌دیم حقی اونود «عاصمه» باخما

بیر عومردی چیگن‌اینده گزیر سنگ مزاری

قوی عومرو ووروبدور باشا بئش گون‌ده دئینسه

تا گلسه اجل جامی اونون جانینه ساری

شاعر: پرویز عاصم اردبیلی

:: موضوعات مرتبط: سایراشعار، ،
:: برچسب‌ها: اوغرو منظومه‌سی(پرویز عاصم اردبیلی),

اينصاف دي مگر قارپيز آلاق لبلبي چـــيخسين ؟

ايل ده نئچه يول بو باهاليق يوخسولو ييخسين ؟

اينصاف دي مگر تاجير عمي هئي باها ساتسين؟

بير هفته ايچينده كيشي ني يوك ياپي چاتسين؟

دولسون قنووي زير زيبيل ايلـــــــه ايي گلسين ؟

راستا سيزه گئتسين بيزه شينتر – پيي گلسين ؟

اينصاف دي مگر كي خياواندا جـــــــولا اولسون؟

سوت نايلونونو دوخساني يوزدن سولا دولسون؟

اينصاف دي مگر بولبولو سالسين لا قفـــس ده ؟

دينجلميه بير يوخسول عمي سونكي نفس ده؟

انصاف دي جاوان درس اوخويوبسا بئكار اولسون؟

حئيوان اوشاغين ساچلاريني يولداشي يولسون؟

تاكسي شوفئري صوبحه كيمي نوباتا دورسون ؟

سونرا آجيغين آچماق اوچون هئي تله قورسون ؟

انصاف دي مگر بير بئله پول خشـــــــله نه درسه

اؤيرنجي ده هئچ سايمــــــــــا ايشلر اولا ترسه؟

انصاف دي كي فاب اوستونه گلسين ايكي يوزلوق؟

بس هارداقاليب رحم و مروت؟ هاني دوزلوق؟

ال جان چؤره يين اورتا يانــــــــــيب دوره خميردي

حيرصيندن علاج يوخ ، دوداغين دوردو گميردي

پيس - پيس هله گونده دئييري قيمتي آرتسين

اينصافلي عمي دسته ايله گاودارا ساتسين

انصاف دي دويو احتكار اولسون سورا چيخسين؟

ناك اوت ائله سين يوخسولو بيردن يئره ييخسين؟

بيرعيدده يئسين اوققده كي قارني ني شيشسين

بيرعيدده يه ده دوغو آشي هر دؤنه پيشسين

داييم اولالار كلّ رئيــــــــــــس لر جلــــــسات دا

بو تئزليگه چيخماز جلسات دان ، دده يات دا!

شهرين ده اولا هم آشاغي ، يوخاري باشـــــي

حتمن كي اولار گؤرمه ميسن آي بالا ناشـــــي!

حتمن كي گره ك يوخاري باش دا گول اكيلسين

گوللردن اؤتور آيري دؤنه لوله چكــــــــــــــيلسين

آشاغي باشيندا هله قوي جوبلاري دولــــــسون

گول دن سووايي قوي هله اؤز رنگي ده سولسون

تبريزلي ممي بس دي داها قوي سونا چاتسين

دورسون كيشي تئزدن خانيمي بوللوجا ياتسين؟

:: موضوعات مرتبط: سایراشعار، ،
:: برچسب‌ها: محمد رحیمی (تبریزلی ممی),

باسلام خدمت شمادرابتدااین شعرزیباروتقدیم شمامیکنم امیدوارم ازش خوشتون بیاد.

رحمه گلدون نه گوزل منله مدارا  ائلدون

نده قلبیمده کی بو درده مداوا   ائلدون

 قره گوز اوسته قرا قاشلار ایتی خنجرتک

  پیلدی باغریمی گوزیاشیمی دریا  ائلدون

آغ یوزونده قره خالون منی ایتدی قره گون

ادیمی دیللره سالدون منی رسوا ایلدون

دارادون تللری توکدون یوزوه شام و سحر

باغلادون ال قولومی محشر کبری  ائلدون

تار زلفونله چکوب داره منی اولدوردون

صونرا ویردون گئنه جان معجز عیسا ائلدون

هارا گیتدون گوزلیم منده دالونجان گلدیم

من گوزوم اوسته دئدوم هر نه تمنا  ائلدون

سویلیردیم ئوزومه وصلیوه بیر کون چاتارام

 منی سالدون اودا یاندوقجا تماشا  ائلدون

 

:: موضوعات مرتبط: سایراشعار، ،
:: برچسب‌ها: تورکی شعر,